भारताच्या रसायनशास्त्रातील प्रगतीमध्ये आचार्य प्रफुल्लचंद्र रे यांचे अमुल्य योगदान आहे. त्यांनी भारतातील रसायन उद्योगाचा पाया रचला. त्यांच्या कार्याच्या सन्मानार्थ त्यांचा जन्म दिवस ‘२ ऑगस्ट’ हा मराठी विज्ञान परिषदेतर्फे २००७ सालापासून नियमितपणे ‘रसायन दिन’ म्हणून साजरा केला जातो. यावर्षी २ ऑगस्ट २०२६ रोजी रविवार असल्यामुळे सोमवार, दि. ३ ऑगस्ट २०२६ रोजी रसायन दिन साजरा केला जाणार आहे.
या दिनाचे औचित्य साधून शिक्षक, पालक, महाविद्यालयीन विद्यार्थी आणि इतर प्रौढ व्यक्तींसाठी मराठी विज्ञान परिषदेने या कार्यक्रमांतर्गत दिनांक ३ ऑगस्ट २०२६ रोजी स. १०.३० ते दु. ३:३० या वेळेत मुंबई-माटुंगा येथील रसायन तंत्रज्ञान संस्थेत ( Institute of Chemical Technology, Matunga- Mumbai) भेट आयोजित केली आहे. सहभागींना रसायन तंत्रज्ञान संस्थेची सविस्तर माहिती, विद्यार्थ्यांना या संस्थेत प्रवेश घ्यावयाचा असल्यास काय कारणे अपेक्षित आहे, शिवाय तेथील अनेक प्रयोगशाळांपैकी तीन प्रयोगशाळा व गॅलरी बघण्याची संधी मिळेल. शिक्षक-पालकांना या भेटीचा निश्चितच उपयोग होईल. या कार्यक्रमात एकूण २५ व्यक्तींना सहभागी होता येईल. एका शाळेतून एकापेक्षा जास्त शिक्षक सहभागी होऊ शकतात. या भेटीसाठी रु.५०/- शुल्क आकारले आहे.
इच्छुकांनी २७ जुलै २०२६ पर्यंत शुल्क भरून नावनोंदणी निश्चित करावी. त्वरा करा, मर्यादित (फक्त २५) जागा. प्रथम नावनिंदणी करणार्यास प्राधान्य दिले जाईल.
सूचना:
- सोमवार, दि. ३ ऑगस्ट २०२६ रोजी सकाळी १०.३० वाजता ‘रसायन तंत्रज्ञान संस्था’ माटुंगा, मुंबई (ICT, Mumbai) येथे गेटजवळ जमावे
- जेवणाची सोय आहे
- पूर्वनोंदणी अत्यावश्यक
- शुल्क : रु.५०/- प्रति व्यक्ती
भेटीचे स्थळ:
रसायन तंत्रज्ञान संस्था, नाथालाल पारेख मार्ग, खालसा महाविद्यालयाच्या जवळ, माटुंगा (पू), मुंबई ४०००१९
Institute of Chemical Technology, Nathalal Parekh Marg, Near Khalsa College, Matunga East, Mumbai 400019
संपर्क : दूरध्वनी : ०२२ ४८२६ ००९४, ०२२ ४८२६ ३७५०, मोबाईल : ९९६९१००९६१
ई-मेल : office@mavipa.org